傳5年情玩完 搬屋分身家 Bosco：無變心 杏兒：揀林峰
黃宗澤（Bosco）及胡杏兒 的緋聞傳了多時，日前有周刊指Bosco搬離愛巢兼「分身家」，兩人的5年情已玩完！昨日Bosco被問到與杏兒的關係是否不變時？他強調：「無變過！」又說兩人也有玩近日Hit爆的微博，更恭喜杏兒日前開了Mini Concert。
文、圖：游艾維
日前有報道指Bosco和杏兒分手，指Bosco搬離愛巢後，二人更「分身家」，包括家中貓狗及傢俬等。昨日Bosco返電視城拍攝《讀心神探》時，對於傳聞5年情玩完，Bosco說：「不是事實不回應。（你們的關係不變？）無變過，（感情也沒變？）一向無變。」
Bosco坦言自己真的搬了屋，問到是否搬新居同居？他說：「我和阿媽及兩隻狗一齊住啊。」至於有否為報道而聯絡杏兒？「唔需要，失實報道唔需要啦，得啖笑。（杏兒是否也搬新居？）我唔知呀，等佢自己講啦，我只知道佢去睇傢俬，（有相約一齊睇嗎？）無，我嗰口的要定造。」另外，他又自揭與杏兒一直有玩微博，「我仲恭喜佢開Mini Concert成功。」
問Bosco是否賺多了錢而置業？「男人置業好重要，媽媽近日又密密睇樓，當投資用，之前睇過『名城』，後來交咗票排隊，最後因太貴唔適合。」近日「Sa基」被爆已婚又離婚，問Bosco將來結婚會否神秘進行？「睇情況，都未儲夠老婆本，等有8位數現金先啦。」
另外，前晚胡杏兒、徐子珊 及鍾嘉欣 錄影無線節目《我的故事，我的歌》，3人如同開迷你個唱一樣。杏兒表示今次是3人「全女版」開Mini Concert，感覺好開心，也不感覺被「分薄」了。問到是否擔心歌藝會比較？「各有各好，最重要係大家開心。（想在紅館開騷嗎？）暫時唔會，不過係夢想之一，等我儲多點歌先啦。」杏兒又說，今次是「全女版」，下次可試「男女混合版」，問她最想跟哪位男藝人合唱？她說：「最想跟林峯合唱！」（哪麼Bosco呢？）我反而想佢合跳啊，佢跳舞咁叻，但佢唱歌反而唔及林峯叻。」
對於阿Sa和鄭中基「已婚又離婚」一事，杏兒說：「呢個係佢口地嘅選擇，有權唔講，結婚係開心事，如果將來我結婚，都希望屆時唔使收收埋埋，不過相信大家都會體諒佢口地兩個。」
子珊扭腰最搶
是晚以又唱又跳的子珊最有睇頭，又扭腰又扭籮，連嘉賓王祖藍 也忍不住讚她：「嘩，子珊妳最好扭啊！」子珊表示很開心跟兩位師姐一齊演唱，記者笑言「第一次」就給了兩位師姐？她說：「幾好吖，多口的人分享幾好，壓力又無咁大，大家互相支持。」
對於欣宜早日於《荃加福祿壽》裏扮她唱《Hit Me》，對此子珊說：「我未睇片呀，好想睇，之前欣宜打電話畀我經理人，話好驚我嬲，因為有口的人唔鍾意被人扮。我想借今次機會向欣宜講，叫佢唔使驚，之前在YouTube 都睇過佢扮我嘅片段，我覺得神髓扮得好似，化妝及髮型都好似，佢好有心，事前仲問我經理人，問嗰件MV衫喺邊度買？準備工夫做得好好。」子珊又謂，希望可跟欣宜同台演出，她說：「下次我、祖藍及欣宜3個一齊演出就仲好。」
星島日報 報道
|
