【明報專訊】出門遇著飛機延遲起飛，真係令人好 。好似上星期咁，一行8人嘅港區全國人大代表喺上海 考察完畢後返港，點知咁唔好彩撞正飛機delay，要等成6、7個鐘先飛得，成班尊貴嘅人代呆等之際，航空公司就相當識做，畀咗400蚊佢口地買口野食補數。
叫店員「任執」出事
因為擔心飛機隨時起飛，成班人代都唔敢周圍走，結果「棠哥」鄭耀棠就率領眾人去漢堡包店買包醫肚，棠哥落「柯打」嗰陣，只指定要兩個蘑菇芝士漢堡包，其他就請收銀員「任執可也」，總之用盡呢400蚊就得。
點知當收銀員交袋漢堡包畀佢口地時，一拎上手竟然好鬼重！一睇之下，原來店員幫佢口地執咗成19個漢堡包，即係平均每人可以食兩個有多。於是有人就講笑話，佢口地成班「港燦」要食19個漢堡包，咪似足經典電視劇《網中人》入面，「阿燦」廖偉雄係咁食漢堡包嘅一幕！
. |
