(星島日報 報道)昨日是父親節 ，但森美 、田蕊妮 、倫永亮及夏韶聲等則由下午開始為無線節目《超級巨聲2》進行兩集錄影至半夜。對於未能抽空慶祝父親節，森美說︰「我一早知道今日要開工，所以昨天已和父親在家裏打邊爐預先慶祝了！」
問到一對7歲和4歲的子女有何表示？森美冧爆地說︰「仔仔親手畫了一張有我返工造型嘅卡送畀我，我個樣有齊眼耳口鼻同打了呔，收到一刻真係好感動！至於個女原本都畫了張卡，但弄丟了，於是錫我一啖補數。人生呢個時候真係最幸福，父母同仔女可以一齊慶祝父親節，當仔女10幾歲開始有自已的社交生活就會比較難，所以我好珍惜呢段還可以一齊慶祝的時間。」 |
