4月4日是兒童節，為應節，今天就教大家炮製簡單易造的水晶蒟蒻，趁住兒童節享受一下親子樂，請來我妹妹的女兒、得意又可愛的Crystal主理，我當副手。
唔知大家有冇試過同小朋友一齊煮飯仔？我可以話畀大家知，這活動絕對好好玩，而且仲係一堂好好的互動教學。唔好再藉口多多話無時間無精神陪小朋友喇，只要花點心思，買些材料（蒟蒻粉、士多啤梨），便可跟小朋友在家中享受一個歡樂的下午，說實話，姨甥女Crystal整的水晶蒟蒻好味之餘亦非常健康。
士多啤梨在眾多水果中，士多啤梨含非常豐富的維他命C，相比蘋果、西瓜、提子仲要高出7至10倍，維他命C可增強抵抗力，減少患感冒的機會。
花奶則由牛奶濃縮製造而成，營養價值同牛奶一樣咁高，含有豐富蛋白質、鈣質及維生素，小朋友快高長大正需要，食物加入花奶，正好幫到平日唔鐘意飲奶的小朋友。
蒟蒻含有豐富纖維素，對腸胃好健康，而且熱量低，唔怕肥 。
|
