返回列表 發帖

無綫篤定拍《巾幗梟雄3》

香港免費電視牌照明年將發,戰幔在前,無綫為保一哥地位,早前已重金禮聘王晶和曾志偉幫手,分別邀請七料影后葉德嫻和劉德華回巢拍劇。無綫又積極挽留人才,據悉已成功說服金牌監製李添勝年底約滿後留任,添哥承諾每年為公司拍一部劇,實行慢工出細貨,添哥和黎耀祥更成功游說鄧萃雯再合作《巾幗梟雄3》,祥仔希望憑該劇三奪視帝,成就歷史傳奇。

最近無綫在深宵時段重播《巾幗梟雄》,掀起一幕幕柴九與四奶奶鬥智鬥力保家園的經典場面,不少上班族要晚晚捱夜追看。早前《巾》劇監製李添勝揚言今年尾會退休,更盛傳最近拍攝的《神探高倫布》會成為他在無綫的最後一部作品,加上編審張華標已過檔壹電視寫劇本,令開拍《巾幗3》的成數看似微乎其微。

不過世事無絕對,城市電訊、 now和有線等明年有機會獲政府發免費電視牌照,身為電視業龍頭一哥的無綫將陷入一場苦戰。為打好這場仗,早前無綫已力邀王晶和曾志偉等外援拔刀相助參與新劇開發,另一方面亦籌拍一連串收視口碑俱佳的「續集」做存貨,繼《衝上雲霄 II》後,添哥的《巾幗》當然成為開拍對象。無綫為挽留添哥,亦願意作出大讓步,容許他一年只拍一部劇集,最終添哥答應留低,現已開始籌備《巾幗梟雄3》,預計明年3月開拍。

李添勝:唔會係時裝
添哥昨日在電話中承認已在構思故事大綱,他說:「唔會係時裝,但年代未諗到,但一定會跟一、二輯完全唔同,會以全新人物、背景拍攝。」添哥否認高薪留任,問到是否幫手打仗?他說:「唔係,之前加咗啦!其實都係咁做,我年底都65歲,始終擔心體力、精神唔夠,大吉利是講句,唔通要做到伸直腳咩!」添哥希望由黎耀祥、鄧萃雯、敖嘉年等原班人馬演出,並會加入一些新血,他解釋:「我哋要突破框框,唔可以睇來睇去嗰幾個。」對於編審張華標未能再參與寫劇本,添哥表示不擔心質素變差,他說:「佢自己揀,冇辦法。」問到張華標可會幕後代筆或畀意見?添哥說:「一定唔會, TVB一定唔得啦。」張華標承認由台灣返港後,曾構思過《巾幗3》的故事,但因客觀因素未能參與,他昨日說:「唔失望,我都好期待新編審嘅創作,觀眾冇我都唔係問題,最緊要有祥仔同雯女。」

祥仔:希望再攞視帝
憑兩部《巾幗》兩奪視帝的黎耀祥,對於開拍《巾幗3》表示好期待,他昨日在電話中說:「如果添哥真係退休就係我哋損失,家佢一年拍一部,一定係落足心機,我都好希望可以再憑《巾》劇攞視帝,創造傳奇,都係一個歷史使命。」

另外,鄧萃雯前晚在銅鑼灣出席羅慧娟的新書分享會,昨日她在電話中表示有興趣接演《巾幗3》,她說:「當然有興趣啦,因為添哥係好製作人,祥仔係好拍檔,呢個係非常好嘅合作夥伴,如果個期啱、劇本好當然有興趣,大家都對第三集期待咗好耐。」

話你知:祥仔雯女巾幗情仇
無綫劇《巾幗梟雄》系列大受歡迎,鐵腳黎耀祥和鄧萃雯在兩集中都發展出一段微妙的感情。

《巾幗梟雄》
鄧萃雯角色:四奶奶
黎耀祥角色:柴九
背景:清朝
劇情:無錫最大米商的家族恩怨情仇
結局:柴九病逝,四奶奶陪伴在側回憶過去

49.jpg
2012-8-24 10:38



《巾幗梟雄之義海豪情》
鄧萃雯角色:九姑娘
黎耀祥角色:劉醒
背景:民初
劇情:廣州經歷日本侵華,鴉片禍害,黑幫與警察角力
結局:劉醒含笑老死在九姑娘肩上

50.jpg
2012-8-24 10:38

返回列表